Зламыснік на пахаванні ўзяў катафалк з нябожчыкам, каб даехаць да бальніцы
Яго неўзабаве затрымалі і жалобная цырымонія працягнулася.
Катафалк з целам нябожчыка падчас пахавання скраў невядомы мужчына ў аўстралійскім штаце Новы Паўднёвы Уэльс. Здарэнне адбылося ў чацвер. Сваякі стаялі ў фае будынка і абмяркоўвалі дэталі жалобнай цырымоніі, а супрацоўнікі пахавальнага бюро рыхтаваліся забраць труну з целам з катафалка. У гэты час невядомы выбег з кустоў, сеў за руль аўтамабіля і паехаў.
Як інфармуе РІА "Новости", сваякі выклікалі паліцыю, а адзін з іх пачаў пагоню на ўласным аўтамабілі. Невядомы мужчына паспеў праехаць на катафалку адну вуліцу, пасля чаго заехаў у тупік. Там яго і затрымаў брат нябожчыка.
Пазней высветлілася, што зламыснік уцёк з інтэрната для інвалідаў і што ён пакутаваў на прыдуркаватасць. На катафалку мужчына збіраўся вярнуцца ў бальніцу.
Жалобная цырымонія працягнулася адразу пасля таго, як катафалк з целам нябожчыка прывезлі на месца.
Фота — Metro