Журналістка Латыніна распавяла, што ў яе аўто выявілі тры ачагі ўзгарання
Расійская журналістка Юлія Латыніна ў эфіры радыёстанцыі "Эхо Москвы" заявіла, што яе аўтамабіль падпалілі наўмысна. Па яе словах, ачагі ўзгарання ў машыне былі выяўленыя ў трох месцах.
"Гэта значыць, гіпотэза аб тым, што машына згарэла сама, якой мы з бацькамі спрабавалі сябе суцяшаць, яна няправільная", — перадае РБК словы Латынінай. Гэтыя дзеянні журналістка назвала замахам на забойства.
Юлія Латыніна 3 верасня паведаміла, што яе машына "згарэла дашчэнту". Супрацоўнікі паліцыі 4 верасня пачалі праверку па факце падпалу.
