Вы тут

Журналіста, затрыманага за здымкі расійскіх самалётаў, прызналі палітвязнем

Юрый Ганцарэвіч

Праваабаронцы прызналі палітычным вязнем журналіста выдання Intex-press Юрыя Ганцарэвіча.

Юрый — жыхар Баранавічаў. 27 красавіка яго затрымалі за тое, што нібыта фатаграфаваў расійскую вайсковую тэхніку і дасылаў здымкі ў СМІ, прызнаныя ў Беларусі экстрэмісцкімі. 

Сам ён распавядаў, што зрабіў фота мясцовага вайсковага аэрадрома. Мяркуецца, што на ім тады знаходзіліся расійскія самалёты.

6 траўня Ганцарэвічу выставілі абвінавачанне па ч. 1 артыкула 361-4 Крымінальнага кодэкса (садзейнічанне экстрэмісцкай дзейнасці). Яму пагражае да шасці гадоў пазбаўлення волі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.