Жонку пісьменніка Сашы Філіпенкі затрымалі за антываенны плакат
Жонку пісьменніка Сашы Філіпенкі затрымалі ў Санкт-Пецярбургу з плакатам "Не — вайне". Пра гэта ён паведаміў у сацсетках.
Па словах Філіпенкі, яго жонка доўга спрачалася з маці, што ў Расіі нельга выступаць супраць вайны, а потым нават пайшла ў заклад.
"Спачатку Маша доўга спрабавала растлумачыць маме, што ў Расіі здарылася сапраўдная катастрофа, затым, страціўшы надзею, дадала, што нават з такім плакатам нельга выйсці на вуліцу. Цешча не пагадзілася, і тады Маша купіла білет Лондан — Пецярбург, прыляцела і выйшла на Неўскі", — дзеліцца падрабязнасцямі Філіпенка.
На жанчыну склалі пратакол за публічныя дзеянні, накіраваныя на дыскрэдытацыю выкарыстання Узброеных Сіл РФ.
