Жонка палітвязня Статкевіча амаль два месяцы нічога пра яго не ведае
![Мікалай Статкевіч / Еўрарадыё](/sites/default/files/styles/main_image_watermark_/public/2023-08/statkievicz-2411.jpg.webp?itok=jsOhmYBU)
Мікалай Статкевіч / Еўрарадыё
Амаль два месяцы Марына Адамовіч не мае звестак пра свайго мужа — палітвязня Мікалая Статкевіча.
"56 дзён я нічога не ведаю пра Міколу Статкевіча. Ні-чо-га.
Усё напісанае падае ў цёмную задушлівую прорву. Ні гука, ні шавялення паветра.
На мае афіцыйныя звароты адказу таксама няма. Верагодна, адзіны "закон", які дзейнічае, гэта — "іногда не до законов" (с)
Апошнія сілы сыходзяць не на тое, каб жыць, а на тое, каб не клясці. Яны самі з гэтым справяцца", — піша Адамовіч у Фэйсбуку.
Мікалая Статкевіча затрымалі 31 траўня 2020 па дарозе на перадвыбарчы пікет Святланы Ціханоўскай. Спачатку яго каралі суткамі, а потым абвінавацілі ў арганізацыі масавых беспарадкаў (арт. 293 Крымінальнага кодэкса Беларусі). У выніку Статкевіча пакаралі па “справе Ціханоўскага” і прысудзілі яму 14 гадоў пазбаўлення волі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.