Жанчына — Лукашэнку: хутка выбары і вы зноў будзеце саджаць людзей у турму?
![Жанчына — Лукашэнку: хутка выбары і вы зноў будзеце саджаць людзей у турму?](/sites/default/files/styles/gallery_main/public/2023-08/rtx799gc_0.jpg.webp?itok=ZbvftEew)
Жыхарка Слоніма Надзея Пугаева запісала чарговы відэазварот да Аляксандра Лукашэнкі. Раней яна скардзілася яму на катастрафічную сітуацыю ў прамысловасці і сельскай гаспадарцы, у медыцыне, экалогіі і на... кітайцаў. Цяпер жанчына шмат гаворыць пра прэзідэнцкія выбары.
Пугаева: "Хутка выбары і вы зноў будзеце саджаць людзей у турму?.. Ды ўжо саступіце месца камусьці. Няўжо ў нас ужо такія тупыя беларусы, што нікога немагчыма прызначыць прэзідэнтам?! Як так атрымліваецца?".
Сланімчанка кажа, што жыццё простых людзей не паляпшаецца, а з кожным годам становіцца ўсё горш і горш. Няма праўды і справядлівасці, абураецца яна. А яшчэ жанчына згадвае пра рост цэн, пра закрыццё ў яе горадзе прадпрыемстваў і пра беспрацоўе, пра недавер да афіцыйных лічбаў па каранавірусе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.