Вы тут

Здарэнне ў Музеі Янкі Купалы ў Мінску, загінуў чалавек

Супрацоўнік СК каля будынка музея / @skgovby

Здарэнне ў Музеі Янкі Купалы ў Мінску, там загінуў чалавек. Адбылося гэта пры "планавай праверцы сістэмы пажаратушэння", паведамляе прэс-служба ратавальнікаў.

Там адбыўся выхад газу. Да прыбыцця супрацоўнікаў МНС адміністрацыя эвакуявала работнікаў музея. Загінулы — работнік установы. Яшчэ адзін музейны работнік шпіталізаваны.

Спецыялісты высвятляюць прычыны і абставіны здарэння.

"Наша ніва" дадае, што загінуў загадчык матэрыяльна-тэхнічнага аддзела музея. Іншага супрацоўніка, які страціў прытомнасць, паспелі своечасова вынесці на свежае паветра.

Следчы камітэт праводзіць праверку. На месцы працуюць супрацоўнікі СК, эксперты. Загінуламу было 67 гадоў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.