Збожжавую здзелку спрабуюць вярнуць, а Джымі Фэлан выявіўся токсікам — #ІхНоравы

08/09/2023 - 15:20

Іх норавы / коллаж Влада Рубанова, Еврорадио

На гэтым тыдні многія беларусы даведаліся, што не змогуць памяняць або падоўжыць свае беларускія пашпарты ў консульстве. А гэта значыць, што за мяжой давядзецца легалізавацца нават тым, хто, можа, гэтага і не планаваў.

Гэтая навіна засланіла многія іншыя сусветныя навіны. Але мы сачылі за тым, што адбывалася ў свеце, і раскажам вам пра гэта.

Змагацца за наступны абед

Два мільёны афганцаў пазбавіліся дапамогі Сусветнай харчовай праграмы ААН у гэтым месяцы.

— Праз вялізны дэфіцыт фінансавання ў будучыні мы зможам аказваць надзвычайную дапамогу толькі 3 мільёнам чалавек у месяц, — гаворыцца ў заяве. — Мы вымушаныя выбіраць паміж галоднымі і тымі, хто галадае, у выніку чаго мільёны сем'яў вымушаныя змагацца за свой наступны абед. З тымі нешматлікімі рэсурсамі, якія ў нас засталіся, мы не можам абслугоўваць усіх тых людзей, якія балансуюць на мяжы крайняй галечы.

Першы пункт — ЕС адменіць уведзеныя ў чэрвені мінулага года санкцыі супраць "Рассельгасбанка". У другім пункце Гутэрыш прапануе застрахаваць расійскія грузавыя караблі ад украінскіх нападаў пры перамяшчэнні ў Чорным і Азоўскім марах. У трэцім пункце генеральны сакратар абяцае расійскім уладам садзейнічанне з частковым вяртаннем актываў, замарожаных у выніку еўрапейскіх санкцый. Акрамя таго, расійскім караблям, якія перавозяць прадукты харчавання і ўгнаенні, абяцаюць дазволіць швартавацца ў партах краін ЕС.

Гутэрыш пакуль не адказаў на пытанне "Більда" ў сувязі з гэтым лістом. Але, паводле інфармацыі выдання, расійскае кіраўніцтва цяпер вывучае прапановы ААН.

Пакіньце свае айфоны дома

Хутка ва ўсіх, хто захоча, будзе новы айфон. А ў кітайскіх дзяржслужбоўцаў не будзе, бо ім забаранілі карыстацца айфонамі. Акцыі Apple пачалі падаць, бо Кітай — трэці паводле велічыні рынак Apple.

У сераду Wall Street Journal паведаміла, што Пекін загадаў чыноўнікам цэнтральнага ўрадавага агенцтва не прыносіць у офіс айфоны і наогул не выкарыстоўваць іх для працы.

На наступны дзень Bloomberg пісаў, што забарона можа закрануць работнікаў дзяржаўных кампаній наогул. І ўсё гэта адбывалася акурат напярэдадні прэзентацыі iPhone 15!

Але, што важней, — гэта адбываецца на фоне напружанасці ў адносінах ЗША і КНР. Сёлета Вашынгтон разам са сваімі хаўруснікамі Японіяй і Нідэрландамі абмежаваў доступ Кітая да некаторых тэхналогій вытворчасці чыпаў. І на мінулым тыдні — незадоўга да прэзентацыі новага айфона і акурат падчас візіту ў Пекін міністра гандлю ЗША — кітайскі гігант Huawei раптам прадставіў свой смартфон Mate 60 Pro.

Зерновую сделку пытаются вернуть, а Джимми Фэллон оказался токсиком — #ИхНравы

iPhone

Аналітыкі кажуць, што так кітайцы паказваюць, чаго змагла дамагчыся іх паўправадніковая прамысловасць. Увогуле, не толькі ў беларускіх навінах пастаянна мільгае тэма імпартазамяшчэння і абыходу санкцый.

Засталося навесці парадак

Burning Man — маштабны фестываль у цэнтры амерыканскай пустыні Невада — нарэшце скончыўся. У пачатку гэтага тыдня вы чыталі пра тое, як удзельнікі фестывалю патаналі па шчыкалатку ў брудзе, хаваліся ад дажджу і стаялі ў шматкіламетровым заторы, спрабуючы пакінуць фестываль.

Але дождж прайшоў, і фестываль усё ж адбыўся. Засталося навесці парадак. Гэта адзін з галоўных прынцыпаў фестывалю: госці самі сябе забяспечваюць — і самі за сабой прыбіраюць.

У арганізатараў Burning Man ёсць тры тыдні, каб замесці ўсе сляды імправізаванага горада, які вырас на плошчы прыкладна ў 10 квадратных кіламетраў на час фестывалю.

І гэта ў цэлым добры прынцып: калі прыняў рашэнне не здавацца і ісці да канца — не забудзься потым навесці за сабой парадак.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.