Затрыманая ў Непале беларуска Вольга Каптур вылецела на радзіму
Па рашэнні суда яна аштрафаваная за парушэнне міграцыйнага заканадаўства і за знаходжанне на тэрыторыі Непала без сапраўднай візы.
Як паведамляе БелаПАН, 25-гадовая Вольга Каптур з Жодзіна прыехала ў Непал як валанцёрка і выкладчыца англійскай мовы для сацыяльна-адукацыйнага праекта Schoolfornepal. 14 верасня яна планавала вылецець у Кітай, аднак яе затрымалі ў аэрапорце Катманду і пасадзілі ў турму.
Прычынай затрымання сталі дакументы дзяўчыны. Яна самастойна выправіла дату дзеяння сваёй візы, што прыцягнула ўвагу памежнікаў. На такую незаконную працэдуру, як паведамляецца, Каптур пайшла таму, што сезон дажджоў і блакаваныя дарогі перашкодзілі ёй пакінуць краіну ў належны тэрмін.
Фота — kayrosblog.ru
