Вы тут

Зарэмбюк: беларусы мусяць быць гаспадарамі ў сваёй беларускай хаце

Алесь Зарэмбюк / фота з яго старонкі ў "Фэйсбуку"

6 лютага госць Еўрарадыё — кіраўнік Беларускага дома ў Варшаве Алесь Зарэмбюк.

Хто вучыцца, хто на заробкі, а хто проста ў пошуках лепшага жыцця, але беларусаў за мяжу штогод з'язджае даволі шмат. Нехта — вяртаецца праз пэўны час на радзіму, але значная частка тых, хто з'ехаў, застаецца на чужыне назаўжды. З гэтых апошніх хтосьці імкнецца як мага хутчэй асімілявацца, як мага хутчэй забыцца пра сваё беларускае паходжанне. А нехта трымаецца за сваю беларускасць за мяжой яшчэ мацней. Каб не здрадзіць сваёй нацыянальнай ідэнтычнасці. І нават імкнецца дапамагчы, як толькі можа, Бацькаўшчыне. Ці страчвае Беларусь тых, хто з'ехаў за мяжу, і якой яны са сваіх замежжаў бачаць беларускую нацыянальную ідэю? Пра гэта мы і разважаем у чарговым выпуску "Ідэі Х" з Алесем Зарэмбюком.

Трансляцыю са студыі можна будзе паглядзець у сацсетках: Facebook, "ВКонтакте", "Аднакласнікі". Там жа задавайце нашым гасцям пытанні!

Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.

Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?

На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.

Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.

Праграма выходзіць штотыдзень па чацвяргах у 14:00.

Партнёр праграмы — крама з нацыянальным каларытам Symbal.by

Папярэднія выпускі праграмы "Ідэя Х" можна глядзець тут:

Нацыянальная ідэя

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.