Забілі "чарнобыльскага ваўка", які тэрарызаваў вёскі каля Брагіна (фота)
Аблаву на драпежнікаў праводзілі ў мінулыя выхадныя. Паляўнічыя забілі траіх ваўкоў, а сярод іх і таго, які нападаў на вёскі Краснае і Старая Іволча.
Нагадаем, на працягу мінулага тыдня там былі зафіксаваныя шматразовыя напады звера на падворкі вяскоўцаў. У выніку драпежнік знішчыў больш за дзесяць сабак, птушак і іншых жывёлаў. Пасля гэтага ў вёсках было арганізаванае кругласуткавае дзяжурства міліцыянтаў, паляўнічых. Аднак злавіць ваўка яны ніяк не маглі.
І толькі днямі спрацавалі засады. Падчас аблавы адзін з ваўкоў ішоў да населенага пункта і быў застрэлены. Мяркуецца, што менавіта ён і тэрарызаваў вёскі. Цяпер забітых жывёлаў правераць на шаленства, інфармуе БЕЛТА.
Фота — БЕЛТА, ctv.by