За ўдзел у пратэстах 2020-га судзяць адразу 17 чалавек
Міліцыянеры і пратэстоўцы / Кадр з відэа
За ўдзел у пратэстах жніўня 2020-га судзяць адразу 17 чалавек. 1 красавіка крымінальныя справы разглядаюцца ў судзе Баранавіцкага раёна і горада Баранавічы. Суддзі — Анастасія Паўлечка і Іна Паўлоўская, паведамляюць праваабаронцы.
Па пратэсных справах праходзяць Аляксандр Лявончык, Яўген Цыбулька, Юрый Хаванскі, Міхаіл Петраш, Філіп Сцёпін, Вячаслаў Баравік, Крысціна Дыдышка-Чаркашына, Іван Дыдышка, Дзмітрый Хута, Эдуард Апановіч, Алег Арцюх, Аляксей Лескавец, Дзмітрый Абрамовіч, Алег Сяргееў, Вольга Тадро, Вячаслаў Шкуцько і Алена Стахейка. Іх абвінавачваюць па артыкуле "Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх" (арт. 342 КК). 8 чалавек з іх судзяць з пачатку сакавіка, яшчэ 9 чалавек — з 28 сакавіка.
Прапагандысты апублікавалі відэа, як міліцыянеры заводзілі ў суд першую партыю фігурантаў справы.
