За што “дзяды ваявалі” — чым небяспечныя фальсіфікацыі гісторыі?
У асяроддзі навукоўцаў-гісторыкаў сёння адбываецца тое самае, што і з медыкамі, настаўнікамі, эканамістамі, эколагамі, журналістамі (працягваць можна бясконца): усе, хто выказаў нязгоду з тым, што адбываецца ў краіне, вымушаныя сыходзіць з працы і, найчасцей, выязджаць з краіны. Тыя ж, хто прыняў беларускі рэжым, працуюць на яго ідэалагічныя патрэбы. І ў выпадку з гісторыкамі — падганяюць гістарычныя падзеі пад палітычныя патрэбы гэтага рэжыму.
Чым небяспечныя чысткі сярод навукоўцаў? Ці можна змяніць гісторыю так, што ў яе новую версію ўсе павераць? На гэтыя ды іншыя пытанні адказвае гісторык, кандыдатка гістарычных навук Ніна Скеп’ян.
