За Карач заступіўся ўкраінец, якога падазраюць у апраўданні расійскай агрэсіі
![Юрый Шаляжэнка / Facebook](/sites/default/files/styles/gallery_main/public/2023-08/sheliazhenko.jpg.webp?itok=IJ43Qngb)
Юрый Шаляжэнка / Facebook
"Український Рух Пацифістів" занепакоены навінамі аб адмове Літоўскай Рэспублікі ў палітычным прытулку пацыфістцы Вользе Карач, арганізатару беларускага мірнага праваабарончага руху; мы просім перагледзець гэтае недальнабачнае рашэнне.
Мы цэнім намаганні спадарыні Карач, накіраваныя на дапамогу добрасумленным адмоўнікам ад вайсковай службы і прасоўванне кампаніі "Адмоваў вайны", — такі ліст прыйшоў на рэдакцыйную пошту Еўрарадыё. Ён падпісана кіраўніком УРП Юрыем Шаляжэнкам.
![За Карач вступился "пацифист", подозреваемый в оправдании российской агрессии](/sites/default/files/styles/default_image_paragraph/public/paragraphs/image/Screenshot%202023-08-20%20134548.png.webp?itok=6DHRlX-5)
"Український Рух Пацифістів" і "Наш дом" Вольгі Карач звязаныя праз International Peace Bureau. Нядаўна IPB намінавала абедзве арганізацыі, а разам з імі і Расійскі рух адмоўнікаў ад вайсковай службы, на Нобелеўскую прэмію міру.
Шаляжэнка і яго прыхільнікі вядомыя тым, што патрабуюць законнага права на адмову ад ваеннай службы, спынення вайны ва Украіне і ўвогуле ўсіх войнаў у свеце. Яны прапануюць спыніць расійскую агрэсію ва Украіне за кошт спынення агню і перамоваў. Пры гэтым яны ні слова не гавораць пра тое, што Расія павінна вывесці з Украіны свае войскі і вярнуць захопленыя землі.
3 жніўня 2023 года СБУ прад'явіла Шаляжэнку падазрэнне ў апраўданні расійскай агрэсіі. Актывіст быў адпраўлены пад хатні арышт на 60 сутак. Расійская прапаганда прадстаўляе яго як ахвяру рэжыму Зяленскага.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.