За адмаўленне генацыду беларускага народа будзе пагражаць да 5 гадоў турмы
Скульптура "Няскораны чалавек" у Хатыні / belchemoil.by
Адмаўленне генацыду беларускага народа ў гады Вялікай Айчыннай вайны або пасляваенны перыяд прапануецца караць арыштам, або абмежаваннем волі на тэрмін да 5 гадоў, або пазбаўленнем волі на той жа тэрмін. Пра гэта сказана ў праекце закона "Аб генацыдзе беларускага народа", які апублікаваны на партале pravo.by.
Такое пакаранне пагражае за адмаўленне генацыду, зробленае ў публічным выступе, у СМІ або інтэрнэце.
Як паведамляла Еўрарадыё, Генпракуратура Беларусі ў канцы года адправіць пракурорам замежных краін матэрыялы аб генацыдзе беларускага народа. Работнікі пракуратуры, якія збіраюць гэтую інфармацыю, ужо дапыталі практычна 10 тысяч чалавек з ліку вязняў канцлагераў і іншых непасрэдных сведак злачынстваў фашыстаў.
