З-за пажару часова закрылі адзін з пунктаў пропуску на беларуска-літоўскай мяжы
Пункт пропуску на беларуска-літоўскай мяжы / vk.com/gpkgovby
З-за пажару часова закрылі адзін з пунктаў пропуску на беларуска-літоўскай мяжы — "Мядзінінкай" (з беларускага боку — "Каменны Лог"). 10 траўня каля 15-й гадзіны на літоўскім баку адбылося ўзгаранне аднаго з адміністрацыйных будынкаў кантрольных службаў. Літоўцы пра яго праінфармавалі беларусаў, паведамляе прэс-служба Дзяржаўнага памежнага камітэта Беларусі.
Рух транспарту ў абодва бакі ў згаданым пункце пропуску прыпынены.
