З ізалятара вызваліўся ксёндз Віталь Чабатар: ён адбыў 15 сутак
![Віталь Чабатар](/sites/default/files/styles/gallery_main/public/2023-08/ksiondz0312.jpg.webp?itok=8J2tq9BO)
Віталь Чабатар
З ізалятара вызваліўся магілёўскі ксёндз Віталь Чабатар. Ён адбыў адміністратыўны арышт у 15 сутак. Пра гэта піша "Хрысціянская візія".
Віцэ-дэкана Магілёўскага дэканата Віталя Чабатара затрымалі 17 лістапада. Пазней суд пакараў святара суткамі.
З 31 жніўня ў зняволенні знаходзіцца праваслаўны свяшчэннік Уладзіслаў Багамольнікаў. Ён адбывае сёмы адміністрацыйны арышт запар.
Айцец Віталій Чабатар нарадзіўся ў Гродне. Ён належыць да Ордэну кларэтынаў і працуе ў Магілёве з 2007 года. У студзені 2018-га біскуп Аляксандр Яшэўскі прызначыў яго віцэ-дэканам Магілёўскага дэканата. Актуальна з’яўляецца вікарыем мясцовай парафіі св. Антонія Падуанскага.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.