З “гібрыднага саюзніка Украіны” Беларусь ператвараецца ў “гібрыднага агрэсара”?
Заходнія СМІ пільна сочаць за сітуацыяй ва Украіне, перыядычна размяшчаючы артыкулы з прагнозамі непазбежнай вайны Расіі супраць гэтай краіны. З усяго свету ўкраінскаму войску паступае дапамога ў выглядзе зброі. У самой Украіне раяць не паддавацца паніцы і ў хуткі напад Расіі не вераць. Але не адводзяць вачэй ад беларускай мяжы, дзе назапашваецца ўсё больш расійскіх войскаў.
Ці сапраўды ва Украіне не вераць у напад з боку Расіі? Якую ролю адводзіць Крэмль беларускаму рэжыму ў сваім супрацьстаянні з Украінай? Ці паўплывае гэта сітуацыя на гандаль з нашай краінай? На гэтыя ды іншыя пытанні адказвае дырэктар украінскага Інстытута сусветнай палітыкі Яўген Магда.
