“Яваровы людзі”: як гучыць беларуская народная песня ў Канадзе — эфір
Фальклорны гурт "Яваровы людзі" / фота з сацсетак
Як бы далёка ад радзімы ні закінула беларусаў, Беларусь так проста з сэрца не выкінуць. Выяўляецца гэта ў кожнага эмігранта па-рознаму: хтосьці перачытвае беларускую літаратуру, хтосьці ўважліва сочыць за навінамі з Бацькаўшчыны, хтосьці далучаецца да беларускіх актыўнасцяў за мяжой праз беларускія суполкі ў сваіх гарадах, а хтосьці спявае беларускія народныя песні. Як, да прыкладу, удзельніцы і ўдзельнікі фальклорнага калектыву “Яваровы людзі” з Таронта.
Што трымае людзей разам і якую ролю ў іх жыцці адыгрывае беларуская песня? Ці магчыма ў эміграцыі захаваць беларускую культуру і традыцыі? Як шукаць матэрыял для сваіх праграм і як арганізаваць музычныя абмены паміж Амерыкай і Еўропай? На гэтыя ды іншыя пытанні ў эфіры Еўрарадыё адказваюць удзельніцы фальклорнага калектыву з Таронта “Яваровы людзі” ў 15:00.
