Яшчэ некалькі арганізацый падтрымалі пазіцыю МАК па Беларусі

МАК шукае магчымасць дапусціць спартоўцаў з Беларусі і Расіі да міжнародных спаборніцтваў / фота ілюстрацыйнае, pixabay
МАК шукае магчымасць дапусціць спартоўцаў з Беларусі і Расіі да міжнародных спаборніцтваў / фота ілюстрацыйнае, pixabay

Чатыры з пяці кантынентальных алімпійскіх асацыяцый, а таксама Асацыяцыя Нацыянальных алімпійскіх камітэтаў падтрымалі пазіцыю МАК у дачыненні да спартоўцаў з Беларусі і Расіі, піша выданне Inside the Games.

МАК спрабуе зрабіць магчымым удзел для спартоўцаў з гэтых краін у Алімпійскіх гульнях.

Сярод тых, хто падтрымаў гэту пазіцыю — Еўрапейскія алімпійскія камітэты, Алімпійская рада Азіі, Асацыяцыя нацыянальных алімпійскіх камітэтаў Афрыкі і Panam Sports. Усе яны сцвярджаюць, што нельга забараняць спартоўцам браць удзел у спаборніцтвах на падставе пашпарта.

“Што да будучага ўдзелу расійскіх і беларускіх спартоўцаў у міжнародных спаборніцтвах, Еўрапейскія Алімпійскія камітэты ўсведамляюць важнасць знішчэння бар'ераў для таго, каб спорт служыў яднальнай сілай”, — гаворыцца ў заяве ЕАК.

Там таксама дэкларуецца, што, нягледзячы на такую пазіцыю ў дачыненні да спартоўцаў з Расіі і Беларусі, орган працягвае выказваць салідарнасць з Украінай.

Бліжэйшыя Алімпійскія гульні пройдуць у Парыжы ў 2024 годзе.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі