Вы тут

Яшчэ адзін раён Магілёўшчыны ўвёў абавязковы масачны рэжым

Масачны рэжым увялі ў Бялыніцкім раёне Магілёўшчыны / БЕЛТА

У Бялыніцкім раёне з 3 чэрвеня ўведзены масачны рэжым распараджэннем старшыні райвыканкама. 

Маскі павінны абавязкова выкарыстоўвацца на аб'ектах і ў арганізацыях раёна: крамы, аптэкі, аддзяленні банка, сувязі, пошты, у грамадскім транспарце ды інш. Мяняць іх трэба кожныя тры гадзіны. Таксама ўводзіцца абмежаванне на адначасовую колькасць наведвальнікаў у крамах, сталовых, кавярнях, аптэках, аддзяленнях банка, сувязі, пошты ды інш.

У рэжым працы грамадкіх установаў уведзеныя тэхнічныя перапынкі для праветрання і прыборкі памяшканняў.

На тэрыторыі раёна забаронены ўвесь выязны гандаль, акрамя спецыялізаванага аўтатранспарту прадпрыемстваў Магілёўскай вобласці на гарадскім рынку Бялынічаў.

Як распавядала Еўрарадыё, з 1 чэрвеня абавязковы масачны рэжым увялі ў Кіраўскім раёне Магілёўшчыны. 

Па стане на 4 чэрвеня ў Беларусі афіцыйна налічваецца 45 981 выпадак каранавіруса. Вылечыліся і былі выпісаныя 21 162 пацыенты, памерлі 253.

Статыстыку захворвальнасці па рэгіёнах прэс-служба Мінздароўя ўжо некалькі тыдняў не паведамляе. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.