Яшчэ адзін беларускі футбольны клуб рызыкуе застацца без фанатаў у новым сезоне
![Каманда на полі / прэс-служба ФК "Дняпро"](/sites/default/files/styles/gallery_main/public/2023-08/dnepr_futball_1_03_2.jpg.webp?itok=WGnIL8zJ)
Каманда на полі / прэс-служба ФК "Дняпро"
Заўзятары магілёўскага футбольнага клуба "Дняпро" абвясцілі, што ў сувязі з палітычнай сітуацыяй у краіне "прынялі рашэнне байкатаваць хатнія і выязныя гульні каманды". Інфармацыя пра гэта з'явілася на старонцы фанатаў клуба "ВКонтакте".
![Еще один белорусский футбольный клуб рискует остаться без фанатов в новом сезоне](/sites/default/files/paragraphs/image/dneprfutball103.jpg)
Раней пра аналагічнае рашэнне заявілі ультрас цэлага шэрагу беларускіх клубаў, у тым ліку салігорскага "Шахцёра", гродзенскага "Нёмана", "Слуцка", "Віцебска", "Маладзечна", "Жодзіна", мінскага "Тарпеда", а таксама барысаўскага БАТЭ і брэсцкага "Дынама", якія павінныя заўтра адкрыць сезон. 2 сакавіка яны сустракаюцца ў рамках Суперкубка Беларусі. І хутчэй за ўсё гэты матч пройдзе без звыклай падтрымкі фанатаў на трыбунах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.