Ярмошына хоча пасля выбараў пасядзець у кавярні Парыжа з томікам Хэмінгуэя
Еўрарадыё даведалася, куды паедуць адпачываць чыноўнікі, калі Еўропа раптам скасуе спіс неўязных. Не выключаны варыянт, што пасля выбараў у Палату прадстаўнікоў 4 склікання Еўрапарламент здыме забарону на наведванне краін Еўрасаюза з тых беларускіх чыноўнікаў, якія ў тым спісе “неўяздных” знаходзяцца. Еўрарадыё вырашыла даведацца, якія краіны Еўропы ў такім выпадку гэтыя людзі наведаюць у першую чаргу.
Старшыня Цэнтравыбаркаму Лідзія Ярмошына прызналася Еўрарадыё, што ёй ужо надакучылі Турцыя і Егіпет і з нецярплівасцю чакае магчымасці наведаць Еўропу.
Лідзія Ярмошына: “Я баюся верыць у магчымасць такога шчасця, але калі гэта здзейсніцца, то ўжо ў наступным годзе я змагу з густам выбраць сабе паездку”.
І ўжо зараз пералічыла, куды яна марыць патрапіць і паміж чым будзе рабіць выбар.
Лідзія Ярмошына: “Гэта, безумоўна, Парыж, безумоўна, Венецыя і, безумоўна, дзесьці восенню, Іспанія. Пра гэта марыцца. Я дзяўчына адукаваная і цікаўлюся музеямі, таму наведванне іх для мяне галоўнае. Увогуле, я лічу, што галоўнае ў кожным новым месцы – дух гэтага месца. Таму магчымасць проста паблукаць па вуліцах, пасядзець у кавярні, магчыма, нават узяць з сабой кнігу Хэмінгуэя “Свята, якое заўсёды з табой”, якую ён напісаў пра Парыж, і будзе спрыяць пранікнуцца духам гэтага горада”.
Дэпутат Палаты прадстаўнікоў 3 склікання Сяргей Касцян правесці адпачынак у Еўропе не імкнецца. Але, кажа, калі забарону з яго на наведванне краін Еўрасаюза здымуць, перш за ўсе адправіцца ў Чэхію і Сербію.
Сяргей Касцян: “Адпачываць у Еўропе я ніколі не меў настрою і не марыў пра гэта, бо люблю адпачываць у Беларусі. Але я вельмі хацеў пабываць у дзвюх Еўрапейскіх краінах – Чэхіі, дзе знаходзіцца цэнтр Міжнароднага славянскага камітэта, і Сербію, каб пабачыць, як яна змянілася за тыя 5 гадоў, калі я там быў апошні раз”.
Як стала вядома Еўрарадыё, і ў Чэхію, і ў Сербію Касцяна запрашаюць па справах. У лютым 2009 года ў Празе пройдзе паседжанне Міжнароднага славянскага камітэта і там яго чакаюць з выступам. А ў Сербію запрашае тамтэйшая радыкальная партыя. Як старшыню Славянскага парламенцкага саюза. Таму і спадзяецца, што забарону з яго здымуць да Новага года, каб дакументы паспець аформіць.
Не жадае ехаць адпачываць у Еўропу і сакратар Цэнтравыбаркама Мікалай Лазавік. Кажа, сёлета добра адпачыў ў беларускім санаторыі “Баравое”. Але за тое, што не патрапіў на шматлікія міжнародныя канферэнцыі, на складальнікаў спісу крыўдзіцца.
Мікалай Лазавік: “Пасля ўвядзення гэтых санкцый я не змог паехаць на шэраг канферэнцый, якія арганізоўваліся па лініі АБСЕ, Асацыяцыі арганізатараў выбараў краін Еўропы, дзе разглядаліся пытанні развіцця выбарчага працэса, яго дэмакратызацыі”
Да гэтага часу знаходзіцца ў спісе “неўяздных” у Еўропу і суддзя суду Маскоўскага раёна Мінска Надзея Равуцкая. Нягледзячы на тое, што яна ўжо некалі гадоў як не працуе – знаходзіцца ў дэкрэтным адпачынку. А вось суддзя суду Цэнтральнага раёна Мінска Леанід Ясіновіч па-ранейшаму працуе ў сістэме Феміды. Але ад каментароў пра магчымыя скасаванні санкцый супраць яго адмовіўся. За “добрую” працу патрапілі ў спіс старшыня Гомельскай акруговай выбарчай камісіі Уладзімір Міхасёў, Гродзенскай – Леанід Лучына, Мінскай – Ігар Карпенка. Сёлета яны за выбары не адказваюць. Але ў спісах застаюцца. За былыя заслугі.
Пакуль дзеючы сенатар Савета Рэспублікі Мікалай Чаргінец прызнаўся, што санкцыі Еўрасаюза супраць яго ніякага выніку не мелі – ён як ездзіў у краіны Еўропы да іх увядзення, так працягваў ездзіць і пасля.
Мікалай Чаргінец: “Калі мне трэба, я еду ў Еўропу. Прымаюць спісы, а калі без нас абыйсціся не могуць, то мы ўсё адно з імі працуем. Я быў ва ўсіх краінах свету. Летась у Парыжы быў ці то 10, ці 15 раз. У якасці краіны адпачынку Еўропа мяне не цікавіць”.
Але сам факт занясення яго ў спіс невыязных пісьменніка абурае.
Мікалай Чаргінец: “Хто мае права абвінавачваць мяне ў фальсіфікацыі выбараў?! Калі я не сябра Цэнтравыбаркама і не ўдзельнічаў у падліку галасоў?! Адзінае, за што мяне пакаралі – за тое, што я прадэманстраваў свабоднае волевыяўленне і як выбарца прагаласаваў за Лукашэнку”.
Чакае адмены санкцый супраць яго і начальнік упраўлення арганізацыйна-кадравай працы Брэсцкага аблвыканкама Аляксандр Каляда. Ёсць у яго краіны, якія ён даўно марыць наведаць.
Аляксандр Каляда: “Мне вельмі цікавы Лондан. Увогуле, вельмі цікавіць Англія. Ад яе ідзе дух грунтоўнасці, старадаўнасці. А яшчэ мне цікавая Германія. Я вельмі люблю парадак і мне падабаецца схільнасць немцаў да парадку. Праўда, зараз Германію цяжка назваць нямецкай краінай з-за засілля людзей іншых нацыянальнасцяў. Але тым не менш”.
Не асабліва хвалююць адмены санкцый супраць яго з пункту гледжання новых турыстычных маршрутаў і сенатара ад тэлебачання Аляксандра Зімоўскага.
Аляксандр Зімоўскі: “Не так шмат засталося краін Еўрасаюза, у якіх бы я не быў. Нават на момант увядзення санкцый. Толькі вось у Іспаніі не быў. Таму, магчыма, гэта была б Іспанія. Што ж тычыцца Парыжа, Берліна ды іншых буйных сталіц Старой Еўропы, то я практычна ва ўсіх пабываў”.
Ці будзе праводзіць Еўрапарламент “амністыю” беларускіх чыноўнікаў з “чорнага спісу”, дакладна не вядома. Як і таго, будзе ануляваны ўвесь спіс агулам, ці кожнага канрэтнага чалавека будуць разглядаць паасобку. Самым цікавым у гэтым спісе, безумоўна, будзе лёс галоўнага чыноўніка Беларусі – Аляксандра Лукашенкі.]
Фота: bymedia.net
Старшыня Цэнтравыбаркаму Лідзія Ярмошына прызналася Еўрарадыё, што ёй ужо надакучылі Турцыя і Егіпет і з нецярплівасцю чакае магчымасці наведаць Еўропу.
Лідзія Ярмошына: “Я баюся верыць у магчымасць такога шчасця, але калі гэта здзейсніцца, то ўжо ў наступным годзе я змагу з густам выбраць сабе паездку”.
І ўжо зараз пералічыла, куды яна марыць патрапіць і паміж чым будзе рабіць выбар.
Лідзія Ярмошына: “Гэта, безумоўна, Парыж, безумоўна, Венецыя і, безумоўна, дзесьці восенню, Іспанія. Пра гэта марыцца. Я дзяўчына адукаваная і цікаўлюся музеямі, таму наведванне іх для мяне галоўнае. Увогуле, я лічу, што галоўнае ў кожным новым месцы – дух гэтага месца. Таму магчымасць проста паблукаць па вуліцах, пасядзець у кавярні, магчыма, нават узяць з сабой кнігу Хэмінгуэя “Свята, якое заўсёды з табой”, якую ён напісаў пра Парыж, і будзе спрыяць пранікнуцца духам гэтага горада”.
Дэпутат Палаты прадстаўнікоў 3 склікання Сяргей Касцян правесці адпачынак у Еўропе не імкнецца. Але, кажа, калі забарону з яго на наведванне краін Еўрасаюза здымуць, перш за ўсе адправіцца ў Чэхію і Сербію.
Сяргей Касцян: “Адпачываць у Еўропе я ніколі не меў настрою і не марыў пра гэта, бо люблю адпачываць у Беларусі. Але я вельмі хацеў пабываць у дзвюх Еўрапейскіх краінах – Чэхіі, дзе знаходзіцца цэнтр Міжнароднага славянскага камітэта, і Сербію, каб пабачыць, як яна змянілася за тыя 5 гадоў, калі я там быў апошні раз”.
Як стала вядома Еўрарадыё, і ў Чэхію, і ў Сербію Касцяна запрашаюць па справах. У лютым 2009 года ў Празе пройдзе паседжанне Міжнароднага славянскага камітэта і там яго чакаюць з выступам. А ў Сербію запрашае тамтэйшая радыкальная партыя. Як старшыню Славянскага парламенцкага саюза. Таму і спадзяецца, што забарону з яго здымуць да Новага года, каб дакументы паспець аформіць.
Не жадае ехаць адпачываць у Еўропу і сакратар Цэнтравыбаркама Мікалай Лазавік. Кажа, сёлета добра адпачыў ў беларускім санаторыі “Баравое”. Але за тое, што не патрапіў на шматлікія міжнародныя канферэнцыі, на складальнікаў спісу крыўдзіцца.
Мікалай Лазавік: “Пасля ўвядзення гэтых санкцый я не змог паехаць на шэраг канферэнцый, якія арганізоўваліся па лініі АБСЕ, Асацыяцыі арганізатараў выбараў краін Еўропы, дзе разглядаліся пытанні развіцця выбарчага працэса, яго дэмакратызацыі”
Да гэтага часу знаходзіцца ў спісе “неўяздных” у Еўропу і суддзя суду Маскоўскага раёна Мінска Надзея Равуцкая. Нягледзячы на тое, што яна ўжо некалі гадоў як не працуе – знаходзіцца ў дэкрэтным адпачынку. А вось суддзя суду Цэнтральнага раёна Мінска Леанід Ясіновіч па-ранейшаму працуе ў сістэме Феміды. Але ад каментароў пра магчымыя скасаванні санкцый супраць яго адмовіўся. За “добрую” працу патрапілі ў спіс старшыня Гомельскай акруговай выбарчай камісіі Уладзімір Міхасёў, Гродзенскай – Леанід Лучына, Мінскай – Ігар Карпенка. Сёлета яны за выбары не адказваюць. Але ў спісах застаюцца. За былыя заслугі.
Пакуль дзеючы сенатар Савета Рэспублікі Мікалай Чаргінец прызнаўся, што санкцыі Еўрасаюза супраць яго ніякага выніку не мелі – ён як ездзіў у краіны Еўропы да іх увядзення, так працягваў ездзіць і пасля.
Мікалай Чаргінец: “Калі мне трэба, я еду ў Еўропу. Прымаюць спісы, а калі без нас абыйсціся не могуць, то мы ўсё адно з імі працуем. Я быў ва ўсіх краінах свету. Летась у Парыжы быў ці то 10, ці 15 раз. У якасці краіны адпачынку Еўропа мяне не цікавіць”.
Але сам факт занясення яго ў спіс невыязных пісьменніка абурае.
Мікалай Чаргінец: “Хто мае права абвінавачваць мяне ў фальсіфікацыі выбараў?! Калі я не сябра Цэнтравыбаркама і не ўдзельнічаў у падліку галасоў?! Адзінае, за што мяне пакаралі – за тое, што я прадэманстраваў свабоднае волевыяўленне і як выбарца прагаласаваў за Лукашэнку”.
Чакае адмены санкцый супраць яго і начальнік упраўлення арганізацыйна-кадравай працы Брэсцкага аблвыканкама Аляксандр Каляда. Ёсць у яго краіны, якія ён даўно марыць наведаць.
Аляксандр Каляда: “Мне вельмі цікавы Лондан. Увогуле, вельмі цікавіць Англія. Ад яе ідзе дух грунтоўнасці, старадаўнасці. А яшчэ мне цікавая Германія. Я вельмі люблю парадак і мне падабаецца схільнасць немцаў да парадку. Праўда, зараз Германію цяжка назваць нямецкай краінай з-за засілля людзей іншых нацыянальнасцяў. Але тым не менш”.
Не асабліва хвалююць адмены санкцый супраць яго з пункту гледжання новых турыстычных маршрутаў і сенатара ад тэлебачання Аляксандра Зімоўскага.
Аляксандр Зімоўскі: “Не так шмат засталося краін Еўрасаюза, у якіх бы я не быў. Нават на момант увядзення санкцый. Толькі вось у Іспаніі не быў. Таму, магчыма, гэта была б Іспанія. Што ж тычыцца Парыжа, Берліна ды іншых буйных сталіц Старой Еўропы, то я практычна ва ўсіх пабываў”.
Ці будзе праводзіць Еўрапарламент “амністыю” беларускіх чыноўнікаў з “чорнага спісу”, дакладна не вядома. Як і таго, будзе ануляваны ўвесь спіс агулам, ці кожнага канрэтнага чалавека будуць разглядаць паасобку. Самым цікавым у гэтым спісе, безумоўна, будзе лёс галоўнага чыноўніка Беларусі – Аляксандра Лукашенкі.]
Фота: bymedia.net
