Як жылі беларусы ў 2018 годзе? Выбранае са свежага зборніка Белстата

Беларусь / Reuters
Беларусь / Reuters

Белстат апублікаваў зборнік аб сацыяльным становішчы і ўзроўні жыцця беларусаў. З яго можна даведацца, якую частку свайго бюджэту людзі трацяць на харчаванне, колькі — на паслугі і алкаголь. Якая пакупная здольнасць у беларусаў, ад чаго часцей за ўсё паміраюць. Што беларусы ядуць і колькі вырошчваюць у сваіх падсобных гаспадарках. Еўрарадыё сабрала самыя цікавыя лічбы з 264-старонкавага зборніка Белстата.

Шлюбы і разводы

Паволі і няўмольна расце сярэдні ўзрост уступлення ў шлюб. У 2018 годзе сярэдні ўзрост мужчыны, які вырашыў ажаніцца, склаў 28 гадоў, а жанчыны — 26 гадоў.

Как жили белорусы в 2018 году? Избранное из свежего сборника Белстата

Нягледзячы на павелічэнне сярэдняга ўзросту тых, хто пажаніўся, на 1000 шлюбаў прыпадае 546 разводаў, што больш за палову. Падобна на тое, узрост тут ні пры чым.

Больш за ўсё шлюбаў і разводаў у Мінску: 14 425 шлюбаў і 7547 разводаў. Следам ідзе Мінская вобласць з 8881 зарэгістраваным шлюбам і 5041 разводам.

Беспрацоўе

У Беларусі, "краіне, якая перамагла беспрацоўе", узровень не занятых працай людзей склаў усяго 4,8 %, па даных выбарачнага абследавання хатніх гаспадарак. Пры гэтым 63,3 % беспрацоўных прыпадаюць на ўзроставую групу 20–44 гады.

Как жили белорусы в 2018 году? Избранное из свежего сборника Белстата

Грошы

Да 2019 года агульная сума дэпазітаў у рублях у беларусаў вырасла на 1,2 мільярда. Калі ў 2018 годзе было ўсяго 5,5 мільярда рублёў, то ў 2019-м ужо 6,7 мільярда. Вырасла і сума дэпазітаў у замежнай валюце. Рост склаў 833 мільёна рублёў — агульная сума склала 15,4 мільярда рублёў.

Аднак і запазычанасць па крэдытах, выдадзеных банкамі фізічным асобам, у 2019 годзе вырасла і склала 11,5 мільярда рублёў. У папярэдні год беларусы былі вінны банкам 9 мільярдаў рублёў. Усяго за год запазычанасці беларусаў перад банкамі выраслі на 2,5 мільярда рублёў.

Пры гэтым 67,5 % сем'яў маюць даход у сярэднім на чалавека да 600 рублёў у месяц.

Как жили белорусы в 2018 году? Избранное из свежего сборника Белстата

Расходы сем'яў

Ільвіная доля сямейных грошай у беларусаў па-ранейшаму ідзе на ежу і аплату паслуг — 64,1 % ад агульнага бюджэту. З іх 38,9 % — на прадукты, а 25,2 % — на паслугі. Малазабяспечаныя сем'і на гэтыя ж артыкулы выдаткаў трацяць 73,9 % бюджэту, пры гэтым на харчаванне — 45,4 %, а на паслугі — 28,5 %.

Как жили белорусы в 2018 году? Избранное из свежего сборника Белстата

Ежа

У 2018 годзе беларусы сталі есці менш хлеба, малочнай прадукцыі, бульбы і агародніны. Крыху больш мяса, рыбы, яек і ягад. Змены нязначныя, усяго некалькі кілаграмаў у год.

Как жили белорусы в 2018 году? Избранное из свежего сборника Белстата

Пры гэтым беларусы актыўна працягваюць есці вырашчаныя ў асабістых падсобных гаспадарках прадукты. Так, 29 % з'едзеных за год яек, 67,6 % бульбы, 52,3 % агародніны і 34,9 % садавіны і ягад беларусы атрымалі з уласнага падворка. А вось малака ўсяго 3 %. Яно і зразумела: у вёсцы ўсё радзей сустрэнеш людзей, якія трымаюць карову, у лепшым выпадку трымаюць казу.

Как жили белорусы в 2018 году? Избранное из свежего сборника Белстата

Малазабяспечаныя сем'і больш за іншых ядуць самастойна вырашчаныя прадукты. 71,6 % з'едзенай за год бульбы, 56,2 % агародніны, 39,1 % садавіны і ягад, 31,1 % яек і 15,7 % мяса беларусы вырасцілі і атрымалі са сваіх падсобных гаспадарак. Малочная прадукцыя зноў у меншасці, усяго 4,4 % ад агульнага гадавога спажывання.

Как жили белорусы в 2018 году? Избранное из свежего сборника Белстата
Как жили белорусы в 2018 году? Избранное из свежего сборника Белстата

Смяротнасць

На 100 тысяч чалавек у 2018 годзе прыйшлося амаль 1266 смерцяў. Прычынай большай часткі выпадкаў — 715 ад агульнага ліку — сталі захворванні сістэмы кровазвароту. Следам ідуць смерці ад новаўтварэнняў. Іх колькасць расце год ад году. У 2018 годзе стала 198,7 выпадку на 100 тысяч, тады як у 2013 годзе было 183 выпадкі. Таксама значную частку займаюць смерці ад знешніх прычын — на 100 тысяч чалавек прыйшлося 84,5 смерці. Сюды ўключаюцца атручэнні алкаголем, самагубствы, смерці ў ДТЗ, забойствы.

Как жили белорусы в 2018 году? Избранное из свежего сборника Белстата

Апошнія навіны

Галоўнае

Выбар рэдакцыі