Вы тут

Як фільм "Смеласць" крочыць па Еўропе — размова з Аляксеем Палуянам

Рэжысёр Аляксей Палуян і акцёры "Свабоднага тэатра" Марына Якубовіч і Павел Гарадніцкі / фэйсбук

У жніўні 2020 года беларускі рэжысёр Аляксей Палуян, які жыве ў Германіі, прыехаў на радзіму, каб прагаласаваць на прэзідэнцкіх выбарах. Падзеі, якія разгарнуліся ў тыя дні, не змаглі пакінуць яго абыякавым, і разам з аператаркай Таццянай Гаўрыльчык яны вырашылі дакументаваць тое, што адбывалася на мінскіх вуліцах. На той момант Аляксей здымаў фільм пра акцёраў "Свабоднага тэатра". У жніўні і яны выйшлі і далучыліся да пратэсту супраць гвалту сілавікоў. У выніку Аляксей зняў фільм "Смеласць" — пра творчых людзей і пра тое, як ім даводзіцца жыць у краіне, дзе творчасць — фактычна забароненая. Фільм пра лета 2020-га, якое доўжыцца дагэтуль.

Цяпер "Смеласць" — госць найбуйнейшых сусветных кінафэстаў. Фільм ідзе ў пракаце мноства еўрапейскіх краін. 6 і 7 верасня — прэм'ера кіно ў Польшчы. У варшаўскай студыі Еўрарадыё мы гутарым з Аляксеем пра тое, як "Смеласць" крочыць па Еўропе, як фільм успрымаецца замежнікамі і што рабіць беларускім кінематаграфістам ва ўмовах, калі ўлады забралі ў іх кінафестываль "Лістапад".

Слухаць эфір Еўрарадыё можна па гэтай спасылцы. Трансляцыю са студыі можна будзе паглядзець у сацсетках Еўрарадыё: Facebook, "ВКонтакте", "Аднакласнікі".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.