Вырасла колькасць беларусаў, якія едуць у Літву
![У памежным пункце пропуску / Delfi](/sites/default/files/styles/gallery_main/public/2023-08/pogran_2_08.jpg.webp?itok=pZ5q9ION)
У памежным пункце пропуску / Delfi
Колькасць беларускіх аўтамабіляў, якія перасякаюць беларуска-літоўскую мяжу, у чэрвені прыкметна вырасла, піша Delfi са спасылкай на Службу аховы дзяржаўнай мяжы. Пачынаючы з лютага колькасць беларусаў, якія ўязджаюць у Літву, расце кожны месяц. У лютым мяжу на ўезд у Літву перасеклі 97 тысяч беларускіх аўтамабіляў, у сакавіку — 115 тысяч, у траўні — 120 тысяч, у чэрвені — ужо 126 тысяч машын.
У Літоўскім МУС мяркуюць, што гэты рост можа быць звязаны з перыядам адпачынкаў, а таксама магчымасцю паляцець з Вільні ў іншыя еўрапейскія краіны. "У Беларусі няма марскога ўзбярэжжа, і яе доступ да заходніх краін па паветры моцна абмежаваны. Таму цалкам верагодна, што грамадзяне гэтай краіны выбіраюць Літву і Латвію як месца адпачынку, так і як краіну, з якой можна атрымаць доступ да большай колькасці заходніх дзяржаў“, – кажа прадстаўніца МУС Літвы Ліна Лаўрынайцітэ-Грыгене. Яшчэ адной прычынай, чаму беларусы едуць у Літву, можа быць жаданне прайсціся па крамах, мяркуюць літоўскія прадпрымальнікі, якія займаюцца рытэйлам.
![Выросло число белорусов, которые едут в Литву](/sites/default/files/styles/default_image_paragraph/public/paragraphs/image/pogran_2_08_2.jpg.webp?itok=70Ni1o4M)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.