Вынесены прысуд па справе аб здарэнні ў цырку-шапіто ў Заслаўі

Як інфармуе БЕЛТА, суд Мінскага раёна прызнаў былога дырэктара цырку вінаватым у нанясенні менш цяжкага цялеснага пашкоджання па неасцярожнасці. Яго аштрафавалі на 5100 рублёў. Такі прысуд і патрабавала абвінавачанне. Акрамя таго, суд задаволіў іск маці пацярпелага хлопчыка, і непаўналетні атрымае ад цырку 3 тысячы рублёў у лік матэрыяльнай кампенсацыі маральнай шкоды. Дамовіцца з ёй абвінавачаны не змог. А вось з яшчэ адной пацярпелай ён дамовіўся — кампенсаваў ёй маральную шкоду.