Вялікія навагоднія вакацыі абвясціў і БелАЗ
БелАЗ / probelarus.by
Супрацоўнікі БелАЗа ў 2024 годзе атрымаюць доўгія выходныя ў студзені і траўні. Гэта прадугледжана графікам працы на год, апублікаваным у тг-канале прадпрыемства.
Работнікі, якія працуюць на "пяцідзёнцы", будуць адпачываць з 30 снежня па 7 студзеня. Адпрацоўваць яны будуць у суботы сакавіка, верасня і снежня.
У траўні на БелАЗе выходныя расцягнуцца з 9 па 14-га. Працоўны дзень 10 траўня плануецца адпрацаваць 4 траўня.
Перанос працоўных дзён адміністрацыя прадпрыемства тлумачыць так: "для эфектыўнай працы вытворчасці і спрыяльных умоў адпачынку".
Раней Еўрарадыё распавядала пра доўгія выходныя ў студзені і траўні на МТЗ. Там перанос працоўных дзён патлумачылі "вытворчымі патрэбамі і з улікам супрацоўніцтва з РФ".
