Вялікі пажар у Маскве: гарыць 10-павярховы бізнес-цэнтр
У Маскве загарэўся 10-павярховы цэнтр "Гранд Сетунь плаза", перадае "Інтэрфакс".
На верхніх паверхах у ім могуць быць заблакаваныя агнём людзі. "Па папярэдніх даных, наведвальнікаў у бізнес-цэнтры не было. З ліку персаналу будынак пакінулі не ўсе. На верхніх паверхах могуць заставацца заблакаваныя агнём людзі", — заяўляюць ратавальнікі.
Пажару надалі пяты, самы высокі ранг складанасці. Агонь хутка распаўсюджваецца па будынку, у аздабленні якога шмат сінтэтычных матэрыялаў.
