Вікторыя Азаранка заявіла, што не збіраецца на "пенсію"
Беларуская тэнісістка Вікторыя Азаранка заявіла, што не збіраецца на "пенсію". Напярэдадні яна анансавала свой зварот, і з'явіліся версіі, што гэта можа быць аб'ява пра завяршэнне спартыўнай кар'еры. Насамрэч Азаранка анансавала выхад другога сезона свайго падкасту "Падумай пра гэта".
Вікторыі Азаранка 33 гады. Яна — былая першая ракетка свету, цяпер у сусветным рэйтынгу займае 26-е месца. "Убачымся на адкрытым чэмпіянаце ЗША!", — піша тэнісістка.
