Вікторыя Азаранка пакінула дзясятку наймацнейшых тэнісістак свету
Беларуская тэнісістка апусцілася з 10-га на 11-е месца ў адзіночным рэйтынгу ВТА.
На мінулым тыдні спартоўка ўзяла ўдзел у турніры ў Стэнфардзе (ЗША) з прызавым фондам 710 тысяч долараў. 31 ліпеня, у дзень свайго 25-годдзя, яна прайграла ў 1/8 фіналу амерыканцы Венус Уільямс з лікам 4:6, 6:7 (1:7).
Азаранка пакінула топ-10 упершыню пасля 3 кастрычніка 2010 года, адзначае БелаПАН.
Фота — naviny.by
