Вікторыя Азаранка не выступіць на адкрытым чэмпіянаце Аўстраліі па тэнісе

Беларуская тэнісістка Вікторыя Азаранка прапусціць адкрыты чэмпіянат Аўстраліі па тэнісе. Пра гэта перадае БЕЛТА са спасылкай на дырэктара турніру Крэйга Цілі.

Беларуска адмовілася ад выступаў у сувязі з судовым разбіральніцтвам наконт апекі над яе сынам Леа. Гэты ж судовы працэс перашкодзіў Вікторыі выступіць на спаборніцтвах у Оклендзе.

У снежні арганізатары турніру ў Аўстраліі далі Азаранка "ўайлд-кард". Цяпер замест яе на адкрытым чэмпіянаце Аўстраліі выступіць Айла Тамлянавіч (108-ы нумар у рэйтынгу WTA).

Адкрыты чэмпіянат Аўстраліі пройдзе з 15 па 28 студзеня.