Вікторыя Азаранка кваліфікавалася на выніковы турнір WTA
У турніры з прызавым фондам 6 мільёнаў долараў прымуць удзел восем самых рэйтынгавых гульцоў і чатыры пары.
Другая ракетка свету беларуска Вікторыя Азаранка гарантавала сабе права на выступ у выніковым турніры WTA, які 22–27 кастрычніка пройдзе ў Стамбуле.
Азаранка стала другой тэнісісткай, якая патрапіла на WTA Championships. Раней гэта зрабіла амерыканка Серэна Уільямс, паведамляе www.pressball.by.
