Відэа з кватэры на мінскай вуліцы Герасіменкі, дзе быў пажар
10 ліпеня каля 15-й гадзіны на восьмым паверсе жылога дома гарэла аднапакаёвая кватэра. У ёй знайшлі труп жанчыны, 1944 года нараджэння.
Некаторыя відавочцы казалі карэспандэнту Еўрарадыё, што чулі "хлапок" альбо "выбух". Аднак, як паведамляе БЕЛТА са спасылкай на Следчы камітэт, у следчых няма падставаў меркаваць, што прычынай пажару быў выбух.
Канчатковую ацэнку таго, што адбылося, а таксама прычыну пажару абяцаюць агучыць пасля заканчэння працы аператыўна-следчай групы.
Фотарэпартаж, відэа і анлайн з месца здарэння
Як паведамляе прэс-служба МНС, муж загінулай (1932 года нараджэння) у момант пажару "знаходзіўся па іншым адрасе".
У далучаным гукавым файле — каментар Еўрарадыё прэс-сакратара МНС Беларусі Віталя Навіцкага.
Фота — МНС, Еўрарадыё
