Віцэ-прэм'еры Беларусі і Расіі абмеркавалі пераарыентацыю экспарту

Віцэ-прэм'еры Беларусі і Расіі абмеркавалі пераарыентацыю экспарту

27 лістапада віцэ-прэм'еры Беларусі і Расіі абмеркавалі пераарыентацыю беларускага экспарту. Юрый Назараў (з беларускага боку), Аляксандр Новак і Аляксей Авярчук (з расійскага) правялі сустрэчу ў фармаце відэаканферэнцыі. Як паведамляе прэс-служба расійскага ўрада, перамовы адбыліся ў рамках падрыхтоўкі сустрэчы кіраўнікоў урадаў — Рамана Галоўчанкі і Міхаіла Мішусціна.

Як паведамляе БЕЛТА, сярод іншых пытанняў абмяркоўвалася пераарыентацыя экспартных паставак беларускіх нафтапрадуктаў. Адзначаецца, што кансультацыі будуць працягнуты, а "зацікаўленыя органы дзяржкіравання" атрымалі даручэнні.

Аляксандр Лукашэнка заявіў пра магчымую пераарыентацыю беларускага экспарту з партоў у Літве ў жніўні 2020-га. Гэта быў яго адказ на пагрозу ўвядзення супраць афіцыйнага Мінска санкцый.

Восенню неаднаразова паведамлялася, што Беларусь і Расія абмяркоўваюць пераарыентацыю беларускіх грузаў з балтыйскага накірунку на расійскі порт Усць-Луга. Гаворка ішла найперш пра нафтапрадукты і калійныя ўгнаенні.

Расійскі міністр энергетыкі Аляксандр Новак у канцы верасня гаварыў, што ідзе "прапрацоўка эканамічных умоваў". Аб'ёмы тых жа беларускіх нафтапрадуктаў разглядаліся ў памеры 4-6 млн тон.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі