В.Хадасоўскі: Лічу, што рэгуляваць кошты, у тым ліку падпіскі павінен чытач
Расійскія газеты 21 траўня не выйшлі з белымі плямамі на першых палосах, як збіраліся, бо ў сітуацыю ўмяшалася адміністрацыя расійскага прэзідэнта. Рэдактар незалежнай беларускай газеты “Белорусы и рынок” Вячаслаў Хадасоўскі называе сітуацыю, калі прэзідэнт умешваецца ў канфлікт і заклікае вырашыць яго на карысць СМІ, “немагчымым для Беларусі” і кажа, што цэнаўтварэннем у гэтай галіне павінен займацца рынак і ў прыватнасці чытачы. Як паведамляла Еўрарадыё, першыя старонкі вядучых газет і часопісаў павінны былі выйсці ўсяго з пяццю радкамі на белым фоне на першых старонках:
“Задушыць свабоду слова можна рознымі спосабамі. Напрыклад, рэзкім павышэннем тарыфаў на падпіску”.
Акцыя выдаўцоў павінна была стаць адказам “Пошце Расіі”, якая раптоўна і істотна падняла тарыфы на падпіску, у асобных рэгіёнах нашай суседкі аж на 100%.
Сітуацыю фактычна ўрэгуляваў прэзідэнт Дзмітры Мядзведзеў, якому быў накіраваны ліст ад імя друкаваных СМІ і падпісчыкаў. У тэрміновым парадку амаль усе людзі, ад якіх залежала сітуацыя, пачалі рыхтаваць свае захады. У сувязі з чым, у прыватнасці, галоўны рэдактар Комсомольской правды Уладзімір Сунгоркін сказаў, што “пастаўленыя мэты па прыцягненні ўвагі да праблемы і абвастрэння сітуацыі, арганізатары дамагліся без усялякіх акцыяў, таму прынята рашэнне самую дарагую плошчу ў газеце – вокладку – не марнаваць на гэта”.
Каментуючы здарэнне ў расійскай медыя прасторы галоўны рэдактар газеты “Беларусы і рынак”, сябра праўлення Беларускай асацыяцыі журналістаў Вячаслаў Хадасоўкі адзначыў, што беларускімі вачыма сітуацыя выглядае як нонсэнс:
Хадасоўкі: “Я не думаю, што ў Беларусі магчымая сітуацыя, калі Адміністрацыя прэзідэнта будзе выступаць за тое, каб урэгуляваць нейкі канфлікт на карысць СМІ, тым больш незалежных. Іншая справа, што ў расійскіх СМІ, на мой погляд, адбываюцца працэсы, якія нагадваюць беларускія: гэта і ўзмацненне адміністратыўнага ціску, і абмежаванне свабоды слова. Гэта адзначаюць і расійскія журналісты, і журналісты “збоку””
Адзначым, што асноўнае адрозненне інстытута падпіскі ў Беларусі ад шэрагу цывілізаваных краінаў у тым, што ў нас гэта даражэй. У Еўропе атрыманне выданняў праз папярэднюю аплату таннейшае, бо СМІ паважае падпісчыка як свайго кшталту інвестара. З гэтай нагоды наш эксперт Вячаслаў Хадасоўкі адзначыў, што цэнаўтварэннем на выданні ў нас займаюцца не тыя людзі:
Хадасоўкі: “Я лічу, што рэгуляваць кошты, у тым ліку падпіскі павінен рынак. Газеты не паівнныя прадавацца ніжэй за сабекошт. Калі яны прадаюцца ніжэй за сабекошт, то яны павінны кампенсаваць свае выдаткі з іншых крыніцаў, напрыклад, з рэкламы. У нас жорстка рэгулюецца і рознічная цана, і цана выдання па падпісцы. Гэта моцна абмяжоўвае магчымасці, у прыватнасці незалежнай прэсы зарабляць на сваё існаванне. Цэну ўстанаўлівае чытач: калі газета будзе для яго дарагая, ён проста не будзе яе набываць”.
На завяршэнне дадамо, што паводле антыманапольснага заканадаўства, якое дзейнічае ў Еўропе, чытач мае права выбраць фірму-дастаўчыка і кошты, у той час як на пастсавецкай прасторы працягваюць дзейнічаць манапалісты.
“Задушыць свабоду слова можна рознымі спосабамі. Напрыклад, рэзкім павышэннем тарыфаў на падпіску”.
Акцыя выдаўцоў павінна была стаць адказам “Пошце Расіі”, якая раптоўна і істотна падняла тарыфы на падпіску, у асобных рэгіёнах нашай суседкі аж на 100%.
Сітуацыю фактычна ўрэгуляваў прэзідэнт Дзмітры Мядзведзеў, якому быў накіраваны ліст ад імя друкаваных СМІ і падпісчыкаў. У тэрміновым парадку амаль усе людзі, ад якіх залежала сітуацыя, пачалі рыхтаваць свае захады. У сувязі з чым, у прыватнасці, галоўны рэдактар Комсомольской правды Уладзімір Сунгоркін сказаў, што “пастаўленыя мэты па прыцягненні ўвагі да праблемы і абвастрэння сітуацыі, арганізатары дамагліся без усялякіх акцыяў, таму прынята рашэнне самую дарагую плошчу ў газеце – вокладку – не марнаваць на гэта”.
Каментуючы здарэнне ў расійскай медыя прасторы галоўны рэдактар газеты “Беларусы і рынак”, сябра праўлення Беларускай асацыяцыі журналістаў Вячаслаў Хадасоўкі адзначыў, што беларускімі вачыма сітуацыя выглядае як нонсэнс:
Хадасоўкі: “Я не думаю, што ў Беларусі магчымая сітуацыя, калі Адміністрацыя прэзідэнта будзе выступаць за тое, каб урэгуляваць нейкі канфлікт на карысць СМІ, тым больш незалежных. Іншая справа, што ў расійскіх СМІ, на мой погляд, адбываюцца працэсы, якія нагадваюць беларускія: гэта і ўзмацненне адміністратыўнага ціску, і абмежаванне свабоды слова. Гэта адзначаюць і расійскія журналісты, і журналісты “збоку””
Адзначым, што асноўнае адрозненне інстытута падпіскі ў Беларусі ад шэрагу цывілізаваных краінаў у тым, што ў нас гэта даражэй. У Еўропе атрыманне выданняў праз папярэднюю аплату таннейшае, бо СМІ паважае падпісчыка як свайго кшталту інвестара. З гэтай нагоды наш эксперт Вячаслаў Хадасоўкі адзначыў, што цэнаўтварэннем на выданні ў нас займаюцца не тыя людзі:
Хадасоўкі: “Я лічу, што рэгуляваць кошты, у тым ліку падпіскі павінен рынак. Газеты не паівнныя прадавацца ніжэй за сабекошт. Калі яны прадаюцца ніжэй за сабекошт, то яны павінны кампенсаваць свае выдаткі з іншых крыніцаў, напрыклад, з рэкламы. У нас жорстка рэгулюецца і рознічная цана, і цана выдання па падпісцы. Гэта моцна абмяжоўвае магчымасці, у прыватнасці незалежнай прэсы зарабляць на сваё існаванне. Цэну ўстанаўлівае чытач: калі газета будзе для яго дарагая, ён проста не будзе яе набываць”.
На завяршэнне дадамо, што паводле антыманапольснага заканадаўства, якое дзейнічае ў Еўропе, чытач мае права выбраць фірму-дастаўчыка і кошты, у той час як на пастсавецкай прасторы працягваюць дзейнічаць манапалісты.
