Ваенны эксперт Ягор Лебядок не выйшаў на волю пасля 15 сутак

Ваенны эксперт Ягор Лебядок не выйшаў на свабоду пасля 15 сутак адміністрацыйнага арышту, піша Deutsche Welle. Пра затрыманне Лябедзька стала вядома 13 ліпеня.

Яго асудзілі па артыкуле 24.3 КаАП — "непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў". Лебядок адбываў "суткі" на Акрэсціна.

Лебядок — вучоны-фізік, кандыдат фізіка-матэматычных навук. Але ў апошнія год-паўтара ён зрабіўся вядомы як ваенны эксперт, неаднаразова выступаў у эфіры Еўрарадыё. У пачатку 2022-га яго звольнілі з пасады загадчыка лабараторыі. У Ягора Лебядка ёсць тэлеграм-канал, прысвечаны ваеннай і інфармацыйнай бяспекі Беларусі.

Upd. Праўладныя тэлеграм-каналы паведамілі, што ў дачыненні да Лебядка ўзбуджана крымінальная справа па арт. 361-4 Крымінальнага кодэксу — маўляў, за спрыянне экстрэмісцкай дзейнасці. Максімальная санкцыя гэтага артыкула прадугледжвае пазбаўленне волі на тэрмін да 7 гадоў.