Вы тут

Ва ўніверсітэце транспарту — 10 выпадкаў COVID-19

Беларускі дзяржаўны ўніверсітэт транспарту / budny.by

10 выпадкаў заражэння каранавіруснай інфекцыяй выяўленыя ў Беларускім дзяржаўным універсітэце транспарту ў Гомелі. Пра гэта распавёў прарэктар па вучэбнай рабоце Мікалай Казакоў

Па яго словах, першы выпадак каранавіруса быў выяўлены 13 траўня. Цяпер хварэюць сем студэнтаў і тры супрацоўнікі. "Гэта студэнты ваенна-транспартнага, механічнага, электратэхнічнага факультэтаў і ПГС. Хлопчыкі могуць быць заражаныя сваякамі, якія працуюць у медыцынскіх установах", — перадаюць "Моцныя навіны" словы прарэктара. 

Казакоў запэўнівае, што кантакты першага ўзроўню адразу пайшлі на самаізаляцыю. А вось студэнты ваенна-транспартнага факультэта жывуць у казарме ў інтэрнаце. "Іх прымаюць у медыцынскія ўстановы як кантакты першага ўзроўню. Санстанцыя на факультэце ваеннага транспарту адразу дэзінфікуе ўсе памяшканні і паверхні", — удакладніў ён.

Сярод супрацоўнікаў на COVID-19 захварэлі кіроўца, супрацоўнік бібліятэкі і выкладчык. Усе іх калегі здавалі тэсты і атрымалі адмоўны вынік.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.