Ва Украіне ўжо знаходзяцца спецназаўцы краін Захаду — Financial Times
![У Маскве загаварылі пра "непазбежны прамы канфлікт" паміж РФ і NATO ](/sites/default/files/styles/gallery_main/public/2024-02/430074471_747531754226572_3674187842344924861_n.jpg.webp?itok=0YIoTx1i)
У Маскве загаварылі пра "непазбежны прамы канфлікт" паміж РФ і NATO / facebook.com/GeneralStaff.ua
Ва Украіне ўжо знаходзяцца спецназаўцы краін Захаду. Пра гэта Financial Times заявіў высокапастаўлены прадстаўнік аднаго з еўрапейскіх абаронных ведамстваў. Так ён пракаментаваў заяву прэзідэнта Францыі Эмануэля Макрона, які не выключыў, што краіны Еўропы ў будучыні могуць адправіць войскі ва Украіну.
"Усе ведаюць, што ва Украіне ёсць заходнія спецназаўцы — проста яны не прызналі гэтага афіцыйна", — кажа крыніца выдання. І відавочна, што гаворка не пра ветэранаў, якія ваююць супраць расійскіх агрэсараў у складзе Інтэрнацыянальнага легіёна. Заява ж Макрона ўспрымаецца як спроба "стварыць двухсэнсоўнасць і стрымаць Расію". У Маскве загаварылі пра "непазбежны прамы канфлікт" паміж РФ і NATO ў выпадку адпраўкі войскаў з Еўропы ва Украіну.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.