Ва Украіне каля мяжы з Беларуссю маланка трапіла ў замініраваны адрэзак дарогі
![На месцы здарэння / korosten.today](/sites/default/files/styles/gallery_main/public/2023-08/daroha.jpg.webp?itok=80n5O9T1)
На месцы здарэння / korosten.today
На поўначы Жытомірскай вобласці Украіны недалёка ад мяжы з Беларуссю маланка трапіла ў замініраваны адрэзак дарогі. Адбылася дэтанацыя, а пасярод дарогі ўтварылася варонка. Як паведамляе zhitomir.info, здарэнне адбылося ўвечары 2 жніўня на дарозе Народзічы — Радча паміж вёскамі Залісся і Грэзля (Карасценьскі раён). Людзей блізка не было, таму ніхто не пацярпеў.
Украіна з мінулага года актыўна ўмацоўвае мяжу з Беларуссю: будуюцца ўмацаванні, ставяцца міны. Усе дарогі каля мяжы замініраваныя. Міны паставілі нават у лясах. Украінцы, памятаючы пра ўварванне з РБ 24 лютага 2022-га, не выключаюць, што ў будучыні з поўначы можа зноў пагражаць небяспека.
![Ва Украіне каля мяжы з Беларуссю маланка трапіла ў замініраваны адрэзак дарогі](/sites/default/files/styles/default_image_paragraph/public/paragraphs/image/20210419_101345.jpg.webp?itok=KFKK2V8E)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.