УСУ разбурылі мост праз раку Сейм у Курскай вобласці
![Мост праз раку Сейм](/sites/default/files/styles/gallery_main/public/2024-08/most-1608_1.jpg.webp?itok=VU9mbTGi)
Мост праз раку Сейм / @mash
У выніку ўкраінскага ўдару разбураны мост праз раку Сейм у Курскай вобласці. Пра гэта ў сваім тг-канале напісаў дарадца кіраўніка рэгіёну Раман Алёхін.
Разбураны мост быў асноўным шляхам забеспячэння расійскіх войскаў у Глушкаўскім раёне вобласці.
"Таксама праціўнік наносіць удары па мосце ў вёсцы Званае Глушкаўскага раёна. Праціўнік перайшоў да рэалізацыі плана захопу ўчастка Глушкаўскага раёна па рацэ Сейм", — заяўляе Алёхін.
Расійскія СМІ і тэлеграм-каналы канстатуюць, што ў выніку разбурэння моста адрэзанымі засталіся больш за 20 населеных пунктаў Глушкаўскага раёна. Эвакуяваць іх жыхароў цяпер можна толькі па вадзе. Пра эвакуацыю Глушкаўскага раёна ўлады абвясцілі напярэдадні.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.