УСУ на Валыні збілі два беспілотнікі з Беларусі, ад абломкаў загінуў чалавек

У Валынскай вобласці супрацьпаветраная абарона УСУ збіла два беспілотнікі. Як паведамляе Паветранае камандаванне "Захад" Паветраных сіл УСУ, яны прыляцелі з тэрыторыі Беларусі.

Дроны займаліся паветранай разведкай аб'ектаў у Валынскай вобласці. Іх збілі зенітнымі ракетамі.

Пры падзенні абломкаў загінуў чалавек, яшчэ некалькі грамадзян параненыя і знаходзяцца ў лякарні, піша hromadske.ua са спасылкай на старшыню Валынскай абласной ваеннай адміністрацыі Юрыя Пагуляйку.

Таксама абломкі аднаго з беспілотнікаў пашкодзілі прыватны дом. 

Мясцовыя СМІ паведамляюць, што загінуў 66-гадовы жыхар вёскі Дубавое. Пажар, які ўзнік ад абломкаў, перакінуўся яшчэ на два дамы. Ёсць звесткі, што абгарэлі двое дзяцей.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.