Вы тут

Улады пакуль не знайшлі месца для новага будынка гістарычнага музея

Цяпер гістарычны музей размешчаны ў гэтым будынку на вуліцы Маркса

Менскія ўлады вырашылі пабудаваць новы будынак для гістарычнага музея яшчэ ў 2017 годзе. Месца вызначылі — насупраць стэлы "Мінск — горад-герой". Але, як аказалася, наваселля музею давядзецца чакаць яшчэ доўга.

Як паведамляе агенцтва "Мінск-Навіны" са спасылкай на галоўнага архітэктара горада Вольгу Верамей, ад першапачатковай пляцоўкі адмовіліся"з-за невялікіх памераў участка".

Іншыя варыянты, прапанаваныя на сёння, не былі адобраны, таму пошук пляцоўкі працягваецца.

Музею планавалі пабудаваць такі будынак, але ад праекта, мяркуючы па ўсім, таксама адмовяцца

Нацыянальны гістарычны музей размешчаны на вуліцы Карла Маркса. Плошчаў яму не хапае, таму пытанне з новым будынкам для музея застаецца досыць актуальным.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.