Украінская выведка сцвярджае, што ва Украіне загінулі беларускія вайскоўцы

Украінская выведка сцвярджае, што ва Украіне загінулі беларускія вайскоўцы

Украінская выведка сцвярджае, што ва Украіне загінулі беларускія вайскоўцы. Нібыта яны падпісвалі кантракты з расійскімі прыватнымі вайсковымі кампаніямі і прымалі ўдзел у баявых дзеяннях.

У паведамленні Галоўнага ўпраўлення выведкі Мінабароны Украіны адзначаецца, што ў некалькіх населеных пунктах Беларусі прайшлі пахаванні загінулых кантрактнікаў. Згадваюцца Мар'іна Горка ў Мінскай вобласці і Асіповічы ў Магілёўскай вобласці. У адным выпадку пахавалі салдата, у іншым — адстаўнога афіцэра.

Украінцы пішуць, што "удзел у вайне супраць Украіны непапулярны сярод беларускіх вайскоўцаў". Вядомыя толькі асобныя выпадкі падпісання кантрактаў з расійскімі прыватнымі вайсковымі кампаніямі. Матыў у кантрактнікаў не ідэалагічны, паколькі іх найперш цікавяць абяцаны заробак за ўдзел у баявых дзеяннях. Аднак пасля таго, як з'явіліся першыя загінулыя і зніклыя без вестак, жадаючых стала менш.

Украінскі бок і раней паведамляў, што расіяне займаюцца вярбоўкай беларускіх вайскоўцаў для вайны ва Украіне. Праўда, ніякіх доказаў няма дагэтуль. Улады Беларусі адмаўляюць, што беларускія вайскоўцы ўдзельнічалі ці ўдзельнічаюць у баявых дзеяннях на тэрыторыі Украіны.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі