Украінцы злавілі беларуску, якая везла 200 тысяч долараў

Супрацоўнікі Чарнігаўскай мытні выявілі і канфіскавалі каля 200 тысяч долараў. Гэта рэкордная сума, якую ў апошнія гады канфіскоўвалі мытнікі Чарнігаўшчыны.



Праверка цягніка ажыццяўлялася ў чыгуначным пункце пропуску "Гарнастаеўка". Грошы грамадзянка Беларусі спрабавала правезці ў валізцы пад асабістымі рэчамі і падшыўкаю. Чатыры пакеты па 50 тысяч долараў у кожным былі прылепленыя да дна скотчам, паведамляюць украінскія СМІ.



Валюта канфіскавана і перададзена ў касу Чарнігаўскай мытні. Пакаранне для парушальніцы мытных правілаў вызначыць суд.
 

Апошнія навіны

Галоўнае

Выбар рэдакцыі