Украінцы пішуць, што ў расіян пад Бахмутам паніка з-за касетных боепрыпасаў

Украінскія вайскоўцы пішуць, што ў расіян пад Бахмутам паніка з-за касетных боепрыпасаў. Напярэдадні стала вядома, што ўкраінскія войскі пачалі іх выкарыстоўваць на фронце. Аднак на Бахмуцкім напрамку працягваюцца пазіцыйныя баі. Істотнага прасоўвання ў раёне Бярхоўкі і Кляшчэеўкі пакуль няма. Расіяне ўтрымліваюць там фронт за кошт увядзення ў бой рэзерваў.

Напярэдадні Белы дом пацвердзіў, што касетныя боепрыпасы, якія перадалі ЗША, ужо "дастаткова эфектыўна" выкарыстоўваюцца Украінай. У прыватнасці, іх выкарыстоўваюць для спынення расійскага наступу на Купянск.