Украінцы капаюць 500-кіламетровы роў на мяжы з Расіяй
Гэтак вырашыла кіраўніцтва Сумскай вобласці.
Як паведамляе УНІАН са спасылкай на старшыню Сумскай абласной дзяржадміністрацыі Уладзіміра Шульгу, гэта робіцца для таго, каб на тэрыторыю Украіны не змагла прайсці цяжкая ваенная тэхніка з боку Расіі. Таксама гэтая мера павінна перашкодзіць праезду кантрабандыстаў на пазадарожніках і іншых аўтамабілях.
Чыноўнік паведаміў, што ўжо пракапаныя каля 20 кіламетраў такога рову шырынёй 4 метры і глыбінёй 2 метры.
Сумская вобласць мяжуе з Бранскай, Курскай і Белгарадскай абласцямі Расіі. Працягласць агульнай мяжы складае больш за 560 км.
Фота — Reuters
