Украіна ўзмацніла сваю групоўку ў паўночным рэгіёне каля мяжы з Беларуссю
![Украінскія байцы / https://www.facebook.com/GeneralStaff.ua](/sites/default/files/styles/gallery_main/public/2023-08/311957011_443394584640292_3445220116284097491_n.jpg.webp?itok=JCPSHxGD)
Украінскія байцы / https://www.facebook.com/GeneralStaff.ua
Украіна ўзмацніла сваю групоўку ў паўночным рэгіёне каля мяжы з Беларуссю. Мэта — супрацьстаяць любому магчымаму аднаўленню расійскага нападу з яе тэрыторыі. Пра гэта ў чацвер на брыфінгу заявіў намеснік начальніка Галоўнага аператыўнага ўпраўлення Генштаба Узброеных сіл Украіны Аляксей Громаў.
"Дзейнасць расійскіх і беларускіх узброеных сіл і сілавых структур сведчыць пра сістэмную падрыхтоўку да эскалацыі... Афіцэры Узброеных сіл РФ бяруць удзел у ацэнцы гатоўнасці вайсковых частак у Гродзенскай, Брэсцкай і Гомельскай абласцях РБ...", — адзначыў Громаў.
Пры гэтым украінскія палітыкі і эксперты скептычна ацэньваюць магчымую паўторную атаку расійскіх войскаў з Беларусі ў бліжэйшы час. Яны найперш звяртаюць увагу на недастатковую колькасць расійскіх вайскоўцаў, якія на сённяшні дзень знаходзяцца на тэрыторыі РБ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.