Украіна сцвярджае, што РФ згубіла ўжо больш вайскоўцаў, чым СССР у Афганістане

Украіна сцвярджае, што Расія згубіла ўжо больш вайскоўцаў, чым СССР у Афганістане. У сераду Генштаб Украіны паведаміў пра 15600 забітых расійскіх вайскоўцаў з 24 лютага 2022-га. Як вядома, у Афганістане ў 1979-1989 гадах загінуў 15051 савецкі салдат і афіцэр.

РФ па-ранейшаму нічога не паведамляе пра свае страты ва Украіне. Адзінае паведамленне Мінабароны Расіі было 2 сакавіка пра паўтысячы загінулых. Па ўсёй РФ мясцовыя СМІ паведамляюць пра пахаванні вайскоўцаў, забітых ва Украіне.