Украіна прыспешвае Беларусь, каб найхутчэй аформіць дзяржаўную мяжу

Украіна прыспешвае Беларусь, каб найхутчэй аформіць дзяржаўную мяжу.  Пра гэта ішла гаворка на сённяшняй сустрэчы ў Кіеве старшыні Дзяржаўнай памежнай службы Украіны Мікалая Літвіна і яго беларускага калегі Ігара Рачкоўскага.

Украінскі бок заявіў, што ратыфікацыя беларускім парламентам дамовы пра дзяржаўную мяжу будзе садзейнічаць паляпшэнню крымінагеннай сітуацыі на памежжы.

Кіраўнікі памежных ведамстваў не выключаюць, што з далучэннем суседніх краінаў да Шэнгенскай зоны плынь пасажыраў праз украінска-беларускую мяжу можа павялічыцца. І да гэтага, на іх думку, трэба рыхтавацца ўжо сёння, паведамляе сайт glavred.info.